Jurnalist ona dövlət tərəfindən hədiyyə edilən evi satışa çıxarıb.
Moderator.az bildirir ki, daşınmaz əmlakların alqı-satqısı ilə məşğul olan “dashinmazemlak.az” saytında bu barədə elan yerləşdirilib. Elanda 3 otaqlı mənzilin 150 min manata satıldığı qeyd olunub.
“Bakı şəhəri, Səbail rayonu, metro Sahil, Bayıl qəsəbəsi, Su İdman Kompleksi (Bibiheybət məsçidi) yaxınlığında 2-yol qırağında jurnalistlər binasının 18-ci mərtəbənin 9-da yerləşən yeni tikili binanın sahəsi 85.2 kvm olan 3-otaqlı mənzili satılır. Evdə yaşamağ üçün hər bir şərait var : istilik sistemi kombi, işıq, su, qaz daimidir KUPÇASI VAR. EV BOŞ VERİLİR!!!. 150000 start qiymətdir”- deyə elanda yazılıb.
Qeyd edək ki, elanı jurnalist Murad Əliyev öz feysbuk səhifəsində paylaşıb. Həmkarlarını təbrik edən jurnalist bunları qeyd edib: “Jurnalistlər binasında mənzil sahibi olan həmkarlarımızı təbrik edirəm! Xoş günlər nəsibiniz olsun! İnşallah ki, yeni binaya qonaq gələn zaman pakistanlı kirayənişinlər və yaxud saytları gəzərkən belə elanlar rastımıza çıxmayacaq”.