“Ermənistan Avropa İttifaqına qoşulsa, Rusiya qazının verilişi dayandırılacaq”
“Rusiya Ermənistana Yerevanın Avropa İttifaqına (Aİ) qoşulması halında yarana biləcək nəticələr barədə məlumat verib”.
Bunu Rusiya Xarici İşlər Nazirliyinin sözçüsü Mariya Zaxarova deyib.
O bildirib ki, Rusiya səfirliyi Energetika naziri Sergey Tsivilovun məktubunu rəsmi olaraq Ermənistan Respublikasının Ərazi İdarəetmə və İnfrastruktur Nazirliyinə göndərib.
“Məktubda bildirilir ki, əgər Aİ-yə üzvlük prosesi davam edərsə, Rusiya tərəfi “Təbii qaz, neft məhsulları və xam təbii almazların təchizatı sahəsində əməkdaşlıq haqqında” 2 dekabr 2013-cü il tarixli Sazişi birtərəfli qaydada dayandıracaq və ya ləğv edəcək”, - deyə o, “RİA Novosti” agentliyinə verdiyi müsahibədə bildirib.