Sumqayıtda işsizlər və direktorlar yarışır - SEÇKİ
Noyabrın 1-də Milli Məclisə keçiriləcək seçkilərə Sumqayıtdan qoşulanlardan 19 nəfərinin namizədliyi qeydə alınıb.
Cebhe.info xəbər verir ki, bundan başqa çox sayda namizəd imzatoplama kampaniyasını yekunlaşdıraraq sənədləri Dairə Seçki Komissiyasına təqdim edib. Qeydə alınan namizədlər arasında bitərəflər üstünlük təşkil edir- 12 nəfər...
Həmçinin YAP-dan 4 namizəd qeydiyyatdan keçib. Qeydə alınan namizədlər arasında KXCP, ASDP və Ümid Partiyasının üzvüləri də var.
Bitərəf namizədlər əsasən işsiz olsalar da, deputat seçilmək istəyənlər arasında Mədəniyyət və İstirahət Parkının direktoru Etibar Məmmədov, “Azərsutəchizattikinti” ASC-nin sədri Mirzəcan Xəlilov, 2 saylı MİS sədri Şirvan Eminov, Milli Məclis əməkdaşı Hacı Salayev, deputat Muxtar Babayev, İqtisadiyyat və Sənaye Nazirliyinin müaşviri Tahir Mirkişilinin də adı var.
Məlumat üçün bildirək ki, Sumqayıtda 4 seçki dairəsi var. Bunlar 41 saylı Sumqayıt I seçki dairəsi, 42 saylı Sumqayıt II seçki dairəsi, 43 saylı Sumqayıt III seçki dairəsi və 44 saylı Sumqayıt-Xızı seçki dairəsidir.
