"Hazırda ayrı-ayrı redaksiyaların bizə 1 milyona yaxın borcu var" - QALMAQAL

Ayrı-ayrı kütləvi informasiya vasitələrinin “Azərbaycan” Nəşriyyatına olan borcumunun ümumi məbləği açıqlanıb. “Azərbaycan” Nəşriyyatının Baş direktoru Ağabəy Əsgərov “Ölkə.Az”a açıqlamasında bildirib ki, hazırda onlarla redaksiyanın Nəşriyyata külli miqdarda borcu var: "Hazırda ayrı-ayrı redaksiyaların bizə 1 milyona yaxın borcu var. Bu, 16-17 ilin borcudur ki, yığılıb qalıb. Onların arasında eləsi var ki, indi fəaliyyət göstərmir, bağlanıb və bizə borcu qalıb". Baş direktor "Azadlıq" qəzetinin də “Azərbaycan” Nəşriyyatına borcu olduğunu söyləyib: "Bu gün "Azadlıq" qəzeti yayımını dayandırdığı üçün bizə olan borcunu hələ də ödəməyib. Nəticədə isə borc yığılıb qalıb. Ümumiyyətlə, bu cür borcu olan redaksiyaların sayı çoxdur".