Ermənistanda parlament seçkiləri keçirilir
Ermənistanda növbədənkənar parlament seçkiləri keçirilir.
Yerli vaxtla saat 08:00-da ölkə üzrə 2010 seçki məntəqəsi açılıb. Səsvermə 20:00-dək davam edəcək.
Xaricdə yaşayan vətəndaşlar üçün seçki məntəqələrinin açılması nəzərdə tutulmayıb. Onlar Ermənistana qayıtmaqla səs verə bilərlər.
Ümumilikdə seçkilərdə iştirak etmək üçün 9 partiya və 2 blok qeydə alınıb. Rəsmi məlumatlara əsasən, seçkilərdə 2,5 milyondan çox insan səs verə bilər.