Səfirlik deputatın “Koreyada açıq-saçıq geyinən qadınlar 45 dollar cərimə edilirlər” iddiasına cavab verdi
Koreya Respublikasının Azərbaycandakı səfirliyi Milli Məclisin Hüquq siyasəti və dövlət quruculuğu komitəsinin üzvü, Vəhdət Partiyasının sədri Tahir Kərimlinin “Deputat: “Azərbaycanda mehmanxanalara giriş zamanı nikah şəhadətnaməsi tələb olunmalıdır”” başlığı ilə dərc edilən açıqlamasındakı iddialara cavab verib.
Səfirlikdən Pravda.az-a daxil olan məlumatda bildirilib:
“Məqaləyə əsasən, deputat Tahir Kərimli səhv olaraq bildirir ki, Cənubi Koreya ateist dövlətdir və orada mini yubka, açıq-saçıq geyinən qadınlar 45 dollar cərimə edilirlər. Bununla əlaqədar olaraq nəzərinizə çatdırılır ki, Koreya Respublikasında (Cənubi Koreya) belə geyim üsulunu qadağan edən bir qayda, qanun yaxud nizamnamə yoxdur”.