Şair Rüstəm Behrudi Əbülfəz Elçibəyin prezident olduğu dövrddə mədəniyyət naziri olmaqdan imtinası barədə danışıb.

Bu barədə o, RTV-də yayımlanan “Qaranlıqda Həqiqət” layihəsində söz açıb:

“Rəhmətlik Elçibəyin özünə də izah etdim, dedim ki, gündə bir insan gələcək, onları gözləyəcəyəm? Məcburam qarşılamağa...

Birincisi, bu işi bacarmaram, ikincisi, mənlik deyil. Azad insanam. Hətta zarafat etdim. Ədalət Tahirzadə isə kitabında yazıb ki, Rüstəm Behrudi Əbülfəz Elçibəydən pul istədi. Amma anlamır ki, qardaşlarım o dövrdə Bakının ən məşhur biznesmenləri idi.  Azərbaycana ərzaq gətirirdilər. 100 dollara ehtiyacım yoxudu.

Guya Elçibəyə demişəm, onun əvəzinə 100 dollar ver. Əslində, demişdim ki, həftədə 100 manat pul lazım olur, dostlarla araq, "vodka" içməyə. Qəzetlər də yazdı ki, Rüstəm Behrudi nazirliyi 100 dollara dəyişdi”.