Azərbaycanın ilk dəfə qatıldığı dünya çempionatı başlayır
Bu gün Kolumbiyada keçirilən futzal üzrə dünya çempionatına start veriləcək. “Qafqazinfo” xəbər verir ki, millimizin ilk dəfə qatıldığı mundialın açılış oyununda Kuba və Misir komandaları üz-üzə gələcəklər.
F qrupunda yer alan Azərbaycan millisi isə ilk matçını sentyabrın 13-də Mərakeşə qarşı keçirəcək.
Qarşılaşmanın start fiti Bakı vaxtı ilə saat 03:00-da səslənəcək. İkinci oyun ayın 16-da İspaniyaya, qrupun son görüşü isə 3 gün sonra İrana qarşı olacaq.