Bu gün Prezident İlham Əliyev bir qrup polis əməkdaşının təltif edilməsi haqqında sərəncam imzalayıb. Sərəncamda daxili işlər naziri, general-polkovnik Ramil Usubovun oğlu Raul Usubovun və Bakı şəhər Baş Polis İdarəsinin rəisi, general-mayor Mirqafar Seyidovun da adı var. Azinforum.az-ın məlumatına görə, polis general-mayoru Seyidov Mirqafar Mircəfər oğlu 2-ci dərəcəli "Vətənə xidmətə görə" ordeni ilə, polis polkovnik-leytenantı Usubov Raul Ramil oğlu isə "İgidliyə görə" medalı ilə təltif olunublar. Təltif olunanlar arasında Bakı şəhər BPİ-nin rəis müavini, polis general-mayoru Səhlab Bağırov da var.