ABŞ prezidenti Barack Obama Keniyaya səfəri çərçivəsində paytaxt Nairobidəki hökumət binasında şərəfinə təşkil edilən axşam yeməyinə qatılıb. “Qafqazinfo” Türkiyə mətbuatına istinadən xəbər verir ki, Obama yemək zamanı konsert verən keniyalı qrup “Sauti Sol”un mahnısına rəqs edib. Afrikanın yerli “Lipala” rəqsini edən Obamaya Keniya dövlət başçısı Uhuru Kenyatta və həyat yoldaşı Margaret də yoldaşlıq edib. Obamanın rəqs etdiyi görüntüləri keniyalı qrup sosial şəbəkədə paylaşıb.