MAHALIM DƏRƏLƏYƏZ - VƏLİ QOVUŞUQLUNUN ŞEİRİ
Qeyrətli oğullar, ismətli qızlar
Yetişib qoynunda, ay Dərələyəz
Yamyaşıl yamacda xınalı kəklik
Səyriyib qaqıldar, hey Dərələyəz
*****
İnsanları təmiz, Arpacay sərin
Şaqqıldayıb axır, hey Dərələyəz
O “Qilbə” bulağı yada düşəndə
Hərlənir başıma dağ, Dərələyəz
*****
Dərən də gözəldir, təpən də gözəl
Şır-şır bulaqlısan, ay Dərələyəz
Lacın qayalardakı qartal səsini
Eşidə bilmirəm, mən Dərələyəz
*****
Meşən də gözəldir, dağın da gözəl
Yığılar üstünə, el Dərələyəz
Qırxbulaq yaylağı, Çınqıllı yurdu
Oludur çoxuna, pay Dərələyəz
*****
Səlimölən, Bətdərə, bir də Soğanlı
Məşhurdu hər yerdə, ay Dərələyəz
Qoynunda yerləşib yaxşı-yaman da
Hamıya demisən, can Dərələyəz
*****
Laləli, nərgizli, güllü çiçəkli
Deyilir hər yerdə, ay Dərələyəz
Düzülüb yan-yana sərin bulaqlar
İçən cana gəlir, ay Dərələyəz
*****
Vəli də hüsnünə şeirlər yazdı
Yaxşıdan- yamandan, ay Dərələyəz
Hüsünkar sinəndə yuxuya dallam
Körpə balan kimi, mən Dərələyəz.
Vəli QOVUŞUQLU
(Əliyev Vəli Sarı oğlu. Tel: 051-798-90-28)
