Nigeriyanın cənubunda naməlum silahlı şəxslər ölkənin neft naziri, OPEK prezidenti Diyezani Alison Maduekenin kiçik qardaşı Cozef Aqamanı qaçırıblar.   APA-nın “TASS”a istinadən verdiyi xəbərə görə, silahlılar Aqamanı Bayels ştatının inzibati mərkəzi Yenaqoa şəhərində girov götürüblər. Cinayətkarların kimliyi müəyyən edilməyib, araşdırma aparılır. Hadisəyə görə məsuliyyəti hələlik heç bir qruplaşma öz üzərinə götürməyib. Diyezani Alison Madueke 2015-ci ilin yanvarın 1-dən OPEK-in rəhbəri təyin olunub. Yeri gəlmişkən, Diyezani Madueke təşkilatən tarixində bu vəzifəyə təyinat alan ilk qadındır.