Qanlı Dağlıca hücumundan sonra Türk ordusunun PKK-ya qarşı apardığı əməliyyatlar nəticəsində mühasirəyə alınan 250 terrorçudan 75-i məhv edilib. Axar.az Türkiyə mətbuatına istinadən xəbər verir ki, əməliyyatlar zamanı 25 terrorçu əsir alınıb. Mühasirəyə alınan terrorçuların İraqla əlaqəsi kəsilib. Hazırda 150 nəfərlik qrupla qarşıdurmalar davam edir. Qeyd edək ki, PKK-nın sentyabrın 6-da Hakkari vilayətinin Dağlıca bölgəsində təşkil etdiyi terror hücumunda rəsmi məlumatlara görə, 16 əsgər şəhid olub, 6 hərbçi isə yaralanıb.