P5+1 ölkələri ilə razılaşmadan sonra embarqodan xilas olmağa başlayacaq İran, pulundan 4 sıfır atmağı planlaşdırır. “Marja” xarici mətbuata istinadən xəbər verir ki, həmçinin pul vahidi olaraq riyalı istifadə edən ölkə növbəti mərhələdə bunu tərk edərək dinara keçmək üçün hazırlıq görür. Dünyada İrandan başqa pul vahidi olaraq rialı istifadə edən ölkə Səudiyyə Ərəbistanıdır. 1 dolların dəyəri bu gün təxminən 3.76 Səudiyyə Ərəbistanı Rialıdı. Digər tərəfdən, 1 dollar 30 min 95 İran Rialına bərabərdir. Dinarı isə Əlcəzair, Bəhreyn, İraq, Küveyt, İordaniya, Liviya, Serbiya və Tunis olmaqla 8 ölkə istifadə edir.