Taylanda gələn çinli turist qadın ölkəsinə qayıdarkən hava limanında saxlanılıb. Buna səbəb qadının gəldiyi ölkədən dəyəri 278 min dollar olan brilyant oğurlamasıdır. Publika.az xəbər verir ki, 39 yaşlı Jiang Xulian oğurladığı brilyantı ölkədən çıxarmaq üçün udub. Lakin hava limanında yoxlamadan keçərkən onun bağırsaqlarında brilyant daş görülüb. Qadın günahını etiraf edəndən sonra, ona bağırsağın fəaliyyətini gücləndirən dərmanlar verilib. Brilyant qadının bağırsaqlarından çıxarılıb. Qadına 2-3 il həbs cəzası veriləcəyi bildirilir.