Azərbaycan qızıl ehtiyatlarını artırır

Bu gün Rusiyanın ümumi qızıl ehtiyatı 74,8 milyon unsiya, yəni 2 min 327 ton təşkil edib.

Bu barədə Ümumidünya Qızıl Şurası (WGC) məlumat yayıb.

Bu həcmlə Rusiya, ABŞ, Almaniya, İtaliya və Fransadan sonra gəlir və Çin, Hindistan kimi ölkələri geridə qoymağı bacarıb.
Rusiyanın valyuta ehtiyatlarında qızılın payı 41,3 faizə çataraq son 30 ilin ən yüksək səviyyəsinə yüksəlib.

"Gazeta.ru" -nun məlumatına görə, qlobal qızıl qiymətlərindəki artım nəticəsində Rusiyanın əlindəki bu ehtiyatların bazar dəyəri təxminən 248 milyard ABŞ dollarına çataraq tarixi zirvəyə yüksəlib.

Lakin 2025-ci il ərzindəki inkişaflar fərqli mənzərə yaradıb. 
Ümumidünya Qızıl Şurasının hesabatına əsasən, Polşa, Qazaxıstan və Azərbaycan kimi ölkələr ehtiyatlarını artırarkən, Rusiya bu il xalis satıcı mövqeyində olub.

Yanvar-sentyabr dövründə həyata keçirilən satışlar nəticəsində ehtiyatların 6,2 ton azaldığı qeyd olunur.Digər tərəfdən, mövcud ehtiyatın böyük hissəsi son iyirmi ildə həyata keçirilən strateji alışlarla formalaşdırılıb.

2002-ci ildən bəri Rusiya qızıl ehtiyatlarını 1.900 tondan çox artırıb.Hazırkı ehtiyatın 80 faizindən çoxu isə əsasən 2008–2012 və 2014–2019-cu illərdə, qiymətlərin nisbətən aşağı və ya artımda olduğu dövrlərdə alınıb.

"Cebheinfo.az"