Araik Harutyunyan və digərlərinin məhkəmə baxışı başa çatıb
Dekabrın 26-da Bakı Hərbi Məhkəməsində tanınmayan "Dağlıq Qarabağ Respublikası" təmsilçiləri və digərlərinin cinayət işi üzrə məhkəmə baxışı başa çatıb.
AZƏRTAC-ın xəbərinə görə, iclasda əvvəlcə təqsirləndirilən şəxslərdən Davit İşxanyan da son söz deyib.
"Özümü təqsirkar hesab etmirəm, mən hansısa cinayət törətməmişəm", - D.İşxanyan çıxışının sonunda söyləyib.
Bundan sonra hakim məhkəmə baxışının başa çatdığını elan edib.
Məhkəmə heyəti müşavirəyə gedib. Müşavirədən qayıtdıqdan sonra məhkəmə hökmü elan olunacaq.