Metroda bunu etsəniz 200 manat cərimə olunacaqsınız

Metroda bu düymə zarafat üçün deyil. “Maşinistlə əlaqə” rabitə düyməsi fövqəladə hallarda maşinistə məlumat vermək üçündür.
Metroda maşinist kimi işləyən Səlim Rüstəmov deyir ki, bəzi sərnişinlər, xüsusilə gənclər, maşinistlə əlaqə düyməsini ehtiyac olmadan sıxırlar. Amma onlar fərqində belə deyillər ki, maşinistin işi yalnız qatar idarə etməkdən ibarət deyil.
Yeraltı nəqliyyatda gün ərzində 8 saat qatar idarə edən maşinist sərnişinlərin qəribə istəklərindən də danışıb.
“Bakı Metropoliteni” QSC-nin mətbuat xidmətinin rəhbəri Bəxtiyar Məmmədov isə deyir ki, İnzibati Xətalar Məcəlləsində maşinistlə əsassız şəkildə əlaqə yaratmağa görə müvafiq cərimələr nəzərdə tutulub.
Bəxtiyar Məmmədov qeyd edib ki, sərnişinlər “maşinistlə əlaqə” düyməsindən istifadə edərkən məsuliyyətli və diqqətli olmalıdırlar. “Xəzər TV”