Xocavənd rayonunun Tağaverd kəndində 2-ci mərhələ üzrə ümumi sahəsi 5049 kv.m olan 30 ədəd fərdi yaşayış evinin təmirinə 1 921 600 AZN sərf ediləcək.

İşləri “Frekans Construction and Energy Company” MMC və “Uğur Tikinti” MMC görəcək.

“Ağdam, Füzuli və Xocavənd Rayonlarında Bərpa, Tikinti və İdarəetmə Xidməti” publik hüquqi şəxs və MMC-lər arasında müqavilə bağlanıb. Müqavilə üzrə satınalma proseduru dövlət satınalmalarının vahid internet portalında keçirilməyib. 

Qeyd: Nizamnamə kapitalı 10 AZN və Bakı şəhəri, Xətai rayonu, Məhəmməd Hadi küçəsi, ev 23, mənzil 137-də qeydiyyatdan olan şirkətin qanuni təmsilçisi Adil Bəhlul oğlu Məsimovdur. Şirkətə bundan əvvəl də milyonluq tenderlər verilib.