Dövlət Sosial Müdafiə Fondu (DSMF) Məhkəmə Mübahisələri ilə İş üzrə Mərkəzi Filialı üçün ofis sahəsi icarəyə götürmək istəyir.
DSMF bu məqsədlə tender müsabiqəsi elan edib.
Fond icarəyə götürüləcək ofis sahəsinin tam təmirli və 2 000 kv. metr olmasını istəyir. 11 ay müddətinə icarəyə götürüləcək ofis üçün nəzərdə tutulan qiymət 416 min 900 manat (hər ay 37 min 900 manat ) təşkil edir.
DSMF daha əvvəl Məhkəmə Mübahisələri ilə İş üzrə Mərkəzi Filialı üçün ofis sahəsini “Çinar Park” QSC-dən icarəyə götürüb. 2023-cü ildə imzalanan müqaviləyə əsasən DSMF 1200 kv. metr ofisin 36 aylıq icarəsi üçün 561 min 599 manat 90 qəpik ödəyib.