İranda sərnişin təyyarəsi qəzaya düşdü - 66 nəfər öldü+ Yenilənib
İranda Tehran-Yasuc reysini həyata keçirən təyyarə qəzaya düşüb.
“Qafqazinfo”nun xarici KİV-ə istinadən verdiyi məlumata görə, təyyarənin göyərtəsində 60 sərnişin olub.
“Aseman Airlines” şirkətinə məxsus təyyarə İsfahan əyalətində qəzaya düşüb.
***
“Press TV”nin məlumatına görə, sərnişinlərin və ekipaj üzvünün taleyindən xəbər yoxdur. Göyərtədə olan bir neçə şəxsin yaşama ehtimalı istisna olunmur.
***
“ISNA” agentliyinin məlumatına görə, təyyarədə olan 60 sərnişin və 6 ekipaj üzvü həlak olub.
***
“Tasnim” agentliyi xəbər verir ki, təyyarə Padema dağının yaxınlığında qəzaya düşüb. Təyyarənin 20 illik olduğu bildirilir.