Abel Məhərrəmov rektor vəzifəsindən azad edildi - RƏSMİ
Bakı Dövlət Universitetinin (BDU) rektoru Abel Məhərrəmov vəzifəsindən azad edilib.
Bu barədə Prezident İlham Əliyev sərəncam imzalayıb.
Ölkə başçısının sərəncamında deyilir:
"Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq qərara alıram:
Abel Məmmədəli oğlu Məhərrəmov Bakı Dövlət Universitetinin rektoru vəzifəsindən azad edilsin".
Qeyd edək ki, A.Məhərrəmov 1999-cu il yanvar ayının 11-də Bakı Dövlət Universitetinə rektor təyin edilmişdi.