Müğənni Alişanın model-aparıcı Çağla Şikelin ad günü şənliyindən qayıdan zaman başına iş gəlib. “Qafqazinfo”nun Türkiyə KİV-nə istinadən məlumatına görə, Taksim Jolly Jokerdən evə gedən müğənninin pulqabısı oğurlanıb. Sənətçinin pulqabısından şəxsiyyət vəsiqəsi, kredit kartları, 400 dollar, 20 funt və 50 Azərbaycan manatı götürülüb. İfaçı məsələ ilə bağlı polisə məlumat verib. Pulqabısı bir nəfər tərəfindən tapılıb, müğənniyə təslim edilib. “Pulu oğurlayana halal olsun. Heç olmasa şəxsiyyət vəsiqəsi və kredit kartlarını götürməyib”,-deyə Alişan məsələyə münasibət bildirib.