Zərdab rayon prokurorunun işdən çıxarıldığı rəsmən təsdiqləndi
Zərdab rayon prokuroru Süleyman Süleymanov vəzifəsindən azad olunub.
Baş Prokurorluğun mətbuat xidmətinin rəhbəri Eldar Sultanov "Report"a açıqlamasında deyib ki, S.Süleymanov baş prokuror Zakir Qaralovun əmri ilə işdən çıxarılıb.
O bildirib ki, S.Süleymanov Zərdab Rayon Prokurorluğunun işinin təşkilində yol verdiyi nöqsanlara görə vəzifədən azad edilib.
Qeyd edək ki, prokurorun işdən çıxarılması barədə ilk məlumatı Zərdab Rayon Prokurorluğunun keçmiş müstəntiqi Rüfət Səfərov sosial şəbəkədə yaymışdı.
