Neftin qiymətinin 31 dollara düşməsindən sonra Neft İxrac Edən Ölkələr Birliyi (OPEK) martda təcili planlaşmamış toplantı keçirmək niyyətindədir. “Qafqazinfo” xarici KİV-ə istinadən xəbər verir ki, OPEK prezidenti və Nigeriya neft naziri neftin qiymətindəki son rəqəmlərlə bağlı 2 ölkənin təcili toplantı keçirilməsini istədiyini açıqlayıb. Nazir toplantıda neft qiymətlərinin müzakirə ediləcəyini açıqlayıb. OPEK prezidenti isə bildirib ki, enerji daşıyıcılarının qiyməti artıq o həddə düşüb ki, görüş qaçılmazdır. Qeyd edək ki, bu gündünyada Brent markalı neft ilk dəfə olaraq 2004-cü ilin fevralından bəri psixoloji baryerdən aşağı – 31 dollara düşüb. ABŞ-ın da öz neftini Şimali Avropa ölkələrinə ixrac etmək istəməsi isə enerjidaşıyıcılarının qiymətinin bir qədər də düşməsinə səbəb ola bilər.