Azərbaycan minik avtomobillərin istehsalını üç dəfə artıracaq - PROQNOZ
Azərbaycanda 2023-cü ildə 6 000 ədəd minik avtomobili istehsal olunacağı proqnozlaşdırılır ki, bu da 2019-cu ilin proqnozu ilə müqayisədə 3 dəfə çoxdur.
"APA-Economics"in Azərbaycan Respublikasının 2020-ci il dövlət büdcəsinin zərfinə istinadən verdiyi məlumata görə, 2019-cu ildə Azərbaycanda 2 000 ədəd minik avtomobilin istehsalı gözlənilir və ilbəil 1 000 ədəd artacağı və 2023-cü ildə 6 000-ə çatacağı gözlənilir.
Qeyd edək ki, 2018-ci ildə Azərbaycanda 969 ədəd minik avtomobili istehsal edilib.
Azərbaycanda maşın və avadanlıqların istehsalı üzrə proqnoz göstəricilər:
| Maşınqayırma sənayesi (növ üzrə) | 2018-ci il | 2019-cu il | 2020-ci il | 2021-ci il | 2022-ci il | 2023-cü il |
| Odsöndürənlər | 11 896 | 13 086 | 13 436 | 14 636 | 16 936 | 17 336 |
| Traktorlar | 1303 | 1050 | 830 | 930 | 980 | 1 030 |
| Yük avtomobilləri | 68 | 70 | 620 | 760 | 840 | 680 |
| Qoşqular və yarımqoşqular | 761 | 760 | 770 | 780 | 790 | 800 |
| Minik avtomobilləri | 969 | 2 000 | 3 000 | 4 000 | 5 000 | 6 000 |