Yeni manat olmayacaq – AÇIQLAMA
Elman Rüstəmov məsələyə aydınlıq gətirdi.
Azərbaycan manatının denominasiyasını həyata keçirməyə lüzum yoxdur.
Azinforum.az APA-ya istinadən bunu Mərkəzi Bankın İdarə Heyətinin sədri Elmar Rüstəmov bildirib.
E. Rüstəmovun sözlərinə görə, sosial şəbəkələrdə yeni pul nişanlarını çap olunması ilə bağlı yayılan xəbərlər həqiqəti əks etdirmir:
“Bu, uydurmadır. Bildiyiniz kimi, denominasiyanı həyata keçirmək üçün milli valyutada qüsurlar olmalıdır. Bundan başqa, hiperinflyasiya olmalıdır. Hal-hazırda Azərbaycanda hiperinflyasiya müşahidə olunmur və milli valyutada qüsurlar yoxdur. Buna görə, indiki şəraitdə denominasiyaya lüzum yoxdur”, - deyə E. Rüstəmov bildirib.