Ərdoğan Azərbaycana gəlir
Türkiyə prezidenti Rəcəb Tayyib Ərdoğanın Azərbaycana səfəri bu il fevral ayının ortalarına planlaşdırılır.
Bu barədə Türkiyə prezidentin protokol idarəsindən bildirilib. İdarədən verilən məlumata görə, hazırda səfərin detalları dəqiqləşdirilir. Hələlik səfərin tarixi və müddəti məlum olmasa da, bu ayın ortalarında reallaşması nəzərdə tutulub.
Ərdoğanın səfəri zamanı Türkiyə ilə Azərbaycan arasındakı Yüksək Səviyyəli Strateji Əməkdaşlıq Şurasının iclası keçiriləcək. (APA)