Koronavirusa yoluxmuş əməkdar artist sağaldı FOTO
Bir müddət bundan əvvəl koronavirusa yoluxmuş əməkdar artist, İrəvan Dövlət Azərbaycan Dram Teatrının baş rejissoru Sərvər Əliyev virusa qalib gələrək sağalıb.
Bu barədə aktyorun özü sosial şəbəkədə məlumat yayıb:
"Dəyərli dostlar! Bu gün xəstəxanadan evə buraxıldım. Göydə Allahın, yerdə sizlərin duaları və çox dəyərli həkimlərin yardımı ilə bu bəladan xilas oldum.
Başda Əfəndiyev adına 2 saylı şəhər klinik xəstəxanasının həkimi İntizar xanım Məmmədova olmaqla bütün tibb bacılarına və mənim üçün narahatlığınıza görə sizlərə dərin təşəkkürümü bildirirəm... Allah hamınızdan razı olsun".
Musavat.com