Rayonlara getmək istəyən 350 maşın geri qaytarıldı
Dünən Bakıya girişə və çıxışa cəhd edən 900 maşın geri qaytarılıb.
Baş Dövlət Yol Polisi İdarəsinin mətbuat katibi, polis polkovniki Kamran Əliyev bildirib ki, Ələt-Astara, Bakı-Şamaxı və Bakı-Quba yollarında qurulan karantin postlarında hərəkətinə icazə verilməyən 900 nəqliyyat vasitəsinin sürücüsü aşkarlanıb:
“Rayonlardan gələn və Bakıya daxil olmağa çalışan 550 avtomobil rayonlara, eyni zamanda, Bakıdan rayonlara getmək istəyən 350 avtomobil postlarda yoxlamadan Bakıya geri qaytarılıb”.
Qeyd edək ki, 21 iyun – 5 iyul tarixlərində Bakı, Sumqayıt, Gəncə, Lənkəran, Cəlilabad, Masallı, Yevlax şəhərləri və Abşeron rayonunda sərt karantin rejimi tətbiq edilir.