Jirinovski Rusiyanın müttəfiqlərini aşağıladı: "Sərvətlərimizdən istifadə edirlər"
Rusiya Liberal Demokrat Partiyasının lideri Vladimir Jirinovski keçmiş Sovet ölkələri haqqında xoş olmayan ittihamlar səsləndirib.
Jirinovski qonşu ölkələrin Rusiyanın sərvətlərindən istifadə etdiyini bildirib. O ölkə rəhbərliyini həmin dövlətlərə qarşı siyasətini dəyişməyə çağırıb.
"Rusiya Federasiyası qonşu dövlətlərə xeyli pul və resurslar xərcləyir. Belarus, Ukrayna və Mərkəzi Asiya ölkələri isə Rusiyanın zənginliklərindən istifadə edirlər",-RLDP rəhbəri deyib.
Jirinovskinin fikrincə, Rusiyanın bu mövzuda siyasətini dəyişdirməyə dəyər: "Rusiyanın ittifaq dövlətlərinə ehtiyacı yoxdur. Onlar (qonşular - red.) Rusiyanın bir hissəsi olmağı istəməli idilər". Azvision.az