“Filmə çəkilərkən sıxılıram“ - Afaq Bəşirqızı
“Teatr hər zaman kinoya uduzub. Kino başqa, teatr başqa aləmdir. Mən teatrı sevirəm”.
Bu sözləri Xalq artisti Afaq Bəşirqızı "Səhər mərkəzi" proqramında deyib.
Aktrisa teatrla kinonun fərqindən danışıb:
“Tamaşaçı ilə ünsiyyətdə olmaq, hər tamaşa rol üzərində işləmək və obrazın digərindən fərqli olması mənim üçün maraqlıdır. Filmə çəkilərkən sıxılıram, aparatın qabağında durmaq, bir addım o tərəfə keçməmək, hansısa bir replikanı düz demək - hamısı məni darıxdırır. Kinoda darıxan adamam".