Azərbaycanda jurnalist hədələndi – Boğazına bıçaq dirədilər... - FOTO
Jurnalist Aytən Məmmədovaya Bakıda yaşadığı binanın blokunda hücum edildiyi bildirilir.
Bu barədə jurnalist Aynur Elgünəş məlumat yayıb.
Hadisə Binəqədi rayonu, 9 mikrorayonda baş verib.
A.Elgünəş bildirib ki, Aytən Məmmədovanın arxasınca liftə girən bir nəfər bıçağı onun boğazına dirəyib və adını çəkmədiyi məhkəmə işinə görə hədələyib, yazmamasını istəyib: “DİN-in 102 xidmətinə məlumat verilib”.
Qeyd olunub ki, A.Məmmədovanın izahatı alınıb.
