Mehriban Əliyeva Ərdoğanın xanımı ilə sərgidə - Foto
Türkiyə prezidenti Rəcəb Tayyip Ərdoğanın həyat yoldaşı Əminə Ərdoğan İslam Əməkdaşlıq Təşkilatının XIII zirvə toplantısına qatılan prezidentlərin həyat yoldaşları ilə görüşüb.
“Qafqazinfo” Anadolu Agentliyinə istinadən xəbər verir ki, görüşdə Azərbaycanın birinci xanımı Mehriban Əliyeva da iştirak edib. Əminə Ərdoğan qonaqlarını Lütfi Kırdar Konqres Mərkəzinin girişində qarşılayıb.
Qonaqları ilə tək-tək görüşən Əminə Ərdoğanın Mehriban Əliyeva və Meral Akıncı (Şimali Kipr Türk Respublikasının prezidenti Mustafa Akıncının həyat yoldaşı) ilə söhbəti diqqət çəkib.
Daha sonra Ə. Ərdoğan və qonaqları “Ümidin rəngləri” adlı rəsm sərgisinə baxıblar.
