RAZİ NURULLAYEVDƏN HƏDƏ VƏ TƏHQİR DOLU MÖVQE + 18
Azinforum.az xəbər verir ki, bir müddət əvvəl AXCP-dən ayrılaraq ayrıca qurum təsis edən və həmin partiyanın adına iddiasını ortaya qoyan Razi Nurullayev hamını təəccübləndirəcək addım atıb. O, öz feysbuk profilində sərt söyüş, hədə və təhqirlə dolu bir status paylaşıb. Həmin hədə və söyüşlərin konkret kimə ünvanladığı bəlli deyil. Ancaq yazının məzmunundan başa düşülür ki, Razi Nurullayevi qəzəbləndirən onunla bağlı sosial şəbəkələrdə kimlərinsə apardığı anti-təbliğat böyük rol oynayıb.
Oxuculardan çox-çox üzr istəyərək Razi Nurullayevin paylaşdığı statusu təqdim edirik. Hesab ediriki ki, bu cür fikirlərin mediada tirajlanması doğru deyil. Ancaq bunu edən adi adam olmadığı üçün, ictimailəşdirməyə məcburuq. Çünki Razi Nurullayev bilməlidir ki, biz sivil qanunlarla idarə edilən bir ölkədə yaşayırıq. İstənilən problemin həlli yalnız hüquq-müstəvisində öz yolunu tapmalıdır. Xüsusilə də, Razi Nurullayev dərk etməlidir ki, o, siyasi yönümlü bir quruma rəhbərlik edir, hansısa kriminal qruplaşmaya yox!
