Aktivlərinə görə ölkənin ən böyük bankı olan “Kapital Bank” ASC-nin işçilərinin sayı 1 yanvar 2024-cü il tarixinə olan məlumata görə 5 313 nəfər olub.
Yeniavaz.com xəbər verir ki, ötən il “Kapital Bank”ın əmək haqqı və mükafatlar üzrə xərci 188 milyon 933 min manat olub.
Bu isə o deməkdir ki, “Kapital Bank”da bir işçiyə hesablanan orta əmək haqqı və mükafatların aylıq məbləği 2 min 963 manat təşkil edib.
Məlumat üçün onu da bildirək ki, 2022-ci ildə bu göstərici 2 554 manat olub.
Xəbəri rus dilində oxuyun: Сотрудники “Kapital Bank” получают в месяц 3 тыс. – В 3 раза больше среднемесячной зарплаты
Son bir ildə “Kapital Bank”da işçilərin orta aylı əmək haqqı 16% və ya 409 manat artıb. Bu isə ölkə üzrə qeydə alınan orta aylıq nominal aylıq əmək haqqının artım tempindən daha çox olub. Belə ki, 2023-cü ildə Azərbaycanda muzdla çalışan işçilərin orta aylıq nominal əməkhaqqı əvvəlki ilə nisbətən 11,2% artaraq 933,8 manat olub.
Məlumat üçün qeyd edək ki, nizamnamə kapitalı 265,9 milyon manat olan “Kapital Bank”ın səhmlərinin 99,89%-i “Paşa Holdinq” MMC-yə, 0,1%-i isə digər fiziki şəxslərə aiddir.