Bakının Binəqədi Rayon Məhkəməsi tərəfindən barəsində axtarış elan olunan müğənni Afət Fərmanqızı bu gün səhər saatlarında Moskva -Bakı reysi Azərbaycana dönüb və hava limanında saxlanılmayıb. Müğənni həqiqətən Bakıda olduğunu Azinforum.az-a təsdiqlədi və bildirdi ki, İnam Kərimov Ali Məhkəmənin sədri təyin olunandan sonra onun məhkəmələrin obyektivliyinə inamı daha da artıb: “Elə bu səbəbdən də Bakıya döndüm və gedib məhkəmədə iştirak edəcəm”.
Qeyd edək ki, Afət Fərmanqızı Xalq artisti Flora Kərimovanın iddiası əsasında məhkəməyə verilib. Flora Kərimova iddia edib ki, Fərmanqızı onun şərəf və ləyaqətini təhqir edib. İki müəğnni arasında uzun müddətdir ki, məhkəmə çəkişməsi gedir. Azinforum.az Afət Fərmanqızının Bakıda olduğunu təsdiq edən görüntüləri təqdim edir: