Almaniya millisi "Avro-2016"nın yarımfinalına vəsiqə qazandı
Fransada keçirilən futbol üzrə Avropa çempionatının 1/4 finalın Almaniya və İtaliya milliləri üz-üzə gəliblər.
Virtualaz.org xəbər verir ki, oyunun əsas vaxtı 1:1 hesabı ilə heç-heçə başa çatıb. Qolları Özil və Bonuççi (penalti) vurublar.
Əlavə vaxtda hesab dəyişməyib və qalib 11-metrlik cərimə zərbələri ilə müəyyən edilib. «Futbol lotereyası»nda almanların bəxti gətirib — 6:5.
Beləliklə, Almaniya yığması yarımfinala vəsiqə qazanıb. Onun rəqibi isə sabah Fransa — İslandiya oyununda müəyyənləşəcək.