Anası dünyasını dəyişmiş uşaqların atası da qəzada həlak oldu.

Astarada 6 uşağın atası yük avtomobili tərəfindən vurularaq ölüb. Hadisə axşam saatlarında rayonun Çayoba kəndi ərazisində baş verib. 36 yaşlı Peyman Ruşanov idarə etdiyi yük avtomobili ilə hərəkətdə olarkən toydan çıxıb evinə gedən piyada, 44 yaşlı Nazim Baxşiyevi vurub.

Qəza nəticəsində piyada aldığı xəsarətlərdən hadisə yerində həyatını itirib.

Nazim Baxşiyevin qohumlarının bildirdiyinə görə, onun həyat yoldaşı 3 il əvvəl xəstəlikdən vəfat edib. Nazim fərdi işlərlə məşğul olaraq altı uşağını təmin edirdi.

Hadisəni törədən sürücü qaçmağa çalışsa da, Astara Rayon Polis Şöbəsinin əməkdaşlarının tədbirləri nəticəsində Peyman Ruşanov şübhəli şəxs qismində saxlanılıb.

Mövzu ilə bağlı daha ətraflı videomaterialı təqdim edirik: