Dağıstanda antiterror əməliyyatı rejimi tətbiq edilib
Dağıstanın cənubundakı Qarabudaxkənd rayonunda antiterror əməliyyatı rejimi tətbiq edilib.
APA-nın RİA Novosti agentliyinə istinadən verdiyi xəbərə görə, bu barədə Milli antiterror Komitəsinin qərargahının nümayəndəsi bildirib.
Onun sözlərinə görə, hazırda silahlıların zərərsizləşdirilməsi üzrə əməliyyat aparılır: “Antiterror əməliyyatı rejimi Qarabudaxkənd rayonunda yerli vaxtla saat 04:30-dan etibarən tətbiq edilib. Hazırda əməliyyat-axtarış tədbirləri həyata keçirilir”.
Digər təfərrüatlar barədə məlumat verilmir.