Ötən gün vəfat edən aktyor Azər Baxşəliyevin xanımı Nigar Baxşəliyeva onun dostlarından həyat yoldaşı ilə bağlı xahiş edib. Bu barədə İlkin Həsəni qonaq olduğu verilişlərin birində danışıb.

O bildirib ki, Nigar onlardan Azərlə bağlı pozitiv xatirələrini bölüşməklərini istəyib:

"Azərin xanımı hamımızdan çox xahiş etdi ki, onunla bağlı ancaq pozitiv şeylər paylaşılsın. Onun gülməyini, zarafatlaşdığı videolar bölüşülsün. İstəyir ki, onunla bağlı pozitiv xatirələr danışılsın. Xahiş etdi ki, qəmli sözlər yazılmasın, qəmli danışılmasın. Biz də dostları olaraq, onunla bağlı ancaq təbəssümlə danışmaq lazım olduğu üçün buradayıq".