Quba rayonunun Küpçalqışlaq kəndində tez-tez torpaq sürüşmələri qeydə alınır.

Son vaxtlar isə bu proses daha da aktivləşib.

Qudyalçayının kənarında baş verən uçqunlar nəticəsində artıq kəndə gedən əsas yol tamamilə yararsız vəziyyətə düşüb, evlər üçün isə təhlükə yaranıb.

Kənd sakini Bəxtiyar Ağabalayev deyir ki, Küpçalqışlaq Qudyalçayın düz kənarında yerləşir: "Kəndimiz çox təhlükəli vəziyyətdədir. Çay öz məcrasından çıxıb, yolumuz bağlanıb. Qaz və elektrik xətləri üçün təhlükə var".