Sahil Babayevin maliyyə naziri təyin olunması müsbət haldır. Ümumiyyətlə o, İlham Əliyev komandasının ən layiqli üzvüdür.

Bunu ekspert Əkrəm Həsənov bildirib.

Ə.Həsənovun sözlərinə görə, S.Babayev rəhbərlik etdiyi sahədə real dəyişikliklər edib, qayda-qanun yaradıb: “Düzdür, bu əsnada xeyli şəxs (həm yuxarlarda, həm də xalq arasında) ondan narazı qaldı, amma nə etmək olar: hamının xoşuna gəlmək mümkün deyil. Həm də təbii, qüsurlar və səhvlər də olmamış deyil. Amma hər bir halda əksər yeni nazirlər kimi gününü keçirmədi, real işlədi. Köhnə hamam, köhnə tas olmadı dövründə, sələfinə rəhmət oxutdurmadı…”