7 ilə yaxındır həbsdə olan keçmiş deputat Hüseyn Abdullayevə yenidən daha 9 il həbs cəzası kəsilib.

Bu gün Bakı Ağır Cinayətlər Məhkəməsində ona hökm oxunub.

Sabiq deputat 5.5 milyonluq vəsaiti leqallaşdırmaqda suçlu sayılıb. Ancaq o, özünü təqsirli bilmir. Hökmdən öncə son sözündə də deyib ki, günahı yoxdur. Məhkəmədən ədalətli qərar çıxarmasını və bəraət istəyib. Məhkəməyə sağlamlığındakı problemlərlə əlaqədar Bakı İstintaq Təcridxanasından onlayn qaydada qatılan H.Abdullayevin son sözü də qısa olub.