Veysəloğlu Şirkətlər Qrupunun (VŞQ) Mətbuat Direktorluğunun kollektivi təltif edilib.
Azinforum.az xəbər verir, təltifetmə mərasimi VŞQ-nin ənənəvi “İllik Dəyərləndirmə və Gələcəyə Baxış” adlı motivasiya yönümlü tədbiri zamanı baş tutub.Belə ki, tədbirdə Şirkətlər Qrupunda həyata keçirilən layihələr dəyərləndirilib.
Şirkətlər Qrupunun Mətbuat Xidmətinin Direktoru Məhəmmədəli Qəriblinin müəllifi olduğu “Media ilə əməkdaşlıq modeli” adlı layihə “Ən yaxşı piar təşəbbüsü” nominasiyasında qalibi elan olunub.
Komandaya bu mükafatı Veysəloğlu Şirkətlər Qrupunun təsisçisi və Baş direktoru Aydın Talıbov təqdim edib.
Xatırladaq ki, fevral ayının 28-də Veysəloğlu Şirkətlər Qrupu (VŞQ) Bakıdakı "Gülüstan" Sarayında özünün ənənəvi "İllik Dəyərləndirmə və Gələcəyə Baxış" adlı motivasiya yönümlü növbəti tədbirini keçirib.
Tədbirdə ömürlərinin 10 və 15 ilini "Veysəloğlu"da keçirən əməkdaşlara bürünc və gümüşdən hazırlanmış, Şirkətlər Qrupunun loqosunu özündə əks etdirən "Vəfa Zirvəsi" nişanı və diplomlar təqdim edilib.
Eyni zamanda "İlin Nominasiyaları"nın mükafatlandırılması həyata keçirilib.
Qeyd olunub ki, Şirkətlər Qrupunun əməkdaşları tərəfindən ümumilikdə 85 layihə təqdim edilib, onlardan yalnız 8-i favorit hesab olunub.
