Cəzalanan klub prezidenti postundan gedir - Bir səhvdir ki, bu vəzifədə olmuşam
Azərbaycan II Liqasında mübarizə aparan “Hypers Guba” klubunun prezidenti Ayaz Abdullayev tutduğu postdan ayrıla bilər.
Bu barədə Teleqraf-a klub rəhbərinin özü məlumat verib.
O, klub prezidenti olmasını səhv addım adlandırıb: "Mənim də qismətimə bu yazılmışdı ki, nə vaxtsa klub prezidenti olacağam. Ümumi gedişata baxacağıq. Gedə bilərəmmi? Hər şey mümkündür”.
Xatırladaq ki, AFFA İntizam Komitəsi II Liqada çıxış edən "Hypers Guba" klubunun prezidenti Ayaz Abdullayevi XIX turun "Ağdaş"la ev oyunundan sonra hakimi təhqir etdiyi üçün cəzalandırıb. Klub rəhbəri 3 oyun şərti olmaqla, 5 matçlıq diskvalifikasiya olunub, "Hypers Guba" isə 400 manat cərimələnib.
Qeyd edək ki, “Hypers Guba” hazırda 14 komanda arasında 36 xalla turnir cədvəlinin dördüncü pilləsində yer alır.
