“K Group” MMC (VÖEN – 1402954871) nizamnamə kapitalının 23 milyon 9 manat 99 qəpikdən 19 milyon 300 min manata qədər azaldıldığını elan edib.
Yeniavaz.com xəbər verir ki, elanda kreditorlardan 1 ay müddətində öz tələblərini Bakı şəhəri, Tbilisi prospekti 49/C ünvanına bildirmələri istənilib.
Məlumat üçün bildirək ki, “BakıKart”ın sahibi olan “K Group” MMC daha əvvəl “Bakı şəhəri, Nəsimi rayonu, 20 Yanvar, ev 3. m. 13”də qeydiyyatda olub.
“K Group” MMC-nin dövlət qeydiyyatına alındığı hüquqi ünvanda “GMSA” MMC (VÖEN – 1402774731) adlı daha bir şirkət qeydiyyata alınıb. “K Group” MMC ilə eyni vaxtda – 2014-cü ildə dövlət qeydiyyatına alınan bu şirkətin qanuni təmsilçisi isə ləğv olunan Bakı Nəqliyyat Agentliyinin (BNA) keçmiş rəhbəri Kərimli Vüsal Ağaməmməd oğlu olub.