“Traktor” tarixində ilk dəfə İran çempionu oldu
Futbol üzrə İran çempionatında çempionun adına aydınlıq gəlib.
Təbriz təmilçisi “Traktor” 55 illik tarixində ilk dəfə İran çempionatının qalibi olub.
XXVIII tur çərçivəsində "Şəms Azər"lə qarşılaşan komanda rəqibini 4 cavabsız qolla məğlub etməyi bacarıb.
Bu qələbə nəticəsində xallarının sayını 64-ə çatdıran "qırmızı qurdlar" ən yaxın izləyicisi "Sepahan"ı 8 xal qabaqlayaraq sona 2 tur qalmış çempionluqlarını rəsmiləşdiriblər.