Xəbər verdiyimiz kimi Kazım Hüseynəliyev Naxçıvan Muxtar Respublikasının yeni iqtisadiyyat naziri təyin olunub.
Kazım Hüseynəliyev 1987-ci ildə Naxçıvan şəhərində anadan olub.
Orta məktəbi Naxçıvan 12 nömrəli tam orta məktəbdə oxuyub.
Azərbaycan Dövlət Neft Akademiyasında “Menecment və strateji idarəetmə” ixtisası üzrə bitirib.
2012-ci ildə əmək fəaliyyətinə başlayıb. İqtisadiyyat Nazirliyində aparıcı məsləhətçi, sektor müdiri, şöbə müdiri vəzifəsində işləyib.
2024-cü ildə “Dövlət qulluğunda fərqlənməyə görə” medalı ilə təltif edilib.
Naxçıvan Muxtar Respublikasının Baş nazirinin təqdimatı ilə 5 may 2025-ci il tarixdə Naxçıvan Muxtar Respublikasının iqtisadiyyat naziri təyin olunub.
Naxçıvan Muxtar Respublikası Ali Məclisinin mayın 6-da keçirilən növbəti sessiyasında Kazım Hüseynəliyevin iqtisadiyyat naziri vəzifəsinə təyin olunması haqqında Naxçıvan Muxtar Respublikası Ali Məclisinin Qərarı verilib.