Bakıda yol polisindən qaçmaq istəyən sürücü qəza törətdi
Bakıda avtoxuliqanlıq edərək yol polisindən qaçmaq istəyən sürücü qəza törədib.
"Report" xəbər verir ki, Yasamal rayonu ərazisində "5 mərtəbə" adlanan yerdə yol polisinin əməkdaşları "BMW" markalı maşına "saxla" işarəsi veriblər. Amma sürücü hərəkəti davam etdirərək qaçmağa çalışıb.
Yasamal rayonu "Sovetski" adlanan ərazidə isə sürücü idarəetməni itirərək maşını yol kənarındakı tikilinin divarına çırpıb.
Qəza ilə bağlı araşdırmalara başlanılıb. Sürücü izahatının alınması üçün polis bölməsinə aparılıb.
